Selling Digital Files: Gumroad

Grabe ang bilis ng panahon at matatapos na naman ang buwan ng September. Ilang araw at Linggo na lang ay October na naman. Palapit na ng palapit ang kapaskuhan.

Anyway, sesegway muna ko at ipo-promote ang bagong selling digital files site ko, ang Gumroad.

Nagpasya akong gumawa ng account doon sapagkat nabasa ko sa medium articles na isa yun sa paraan para kumita ng extra income at makabenta ng mga digital files online like eBooks, PDFs, at kung anu-ano pa.

Nagpapabayad na kasi yung dating gamit ko na site (Sellfy) kaya itinigil ko na ang paghohost ng mga files ko doon at nagpasyang mag Google Drive na muna. Kaya lang masyadong hassle...

Buti at nakahanap ako ng bago at talagang free to use na kagaya ng Sellfy noon. Heto at ipopost ko ang mga tagalog poetry books ko na nakahost sa Gumroad.

Sana ay suportahan ninyo ako. Maraming salamat!

Poetry Collections ~ Jethro Sas (GumRoad)

Ang Utang na Load

Naranasan mo na ba ang ganito

Makautang ng load sa iyong katrabaho

Ako noon ginawa ko syang negosyo

Sideline ko noon na unti unting tumubo

Eto sumulat ng tula na kung anu-ano

Walang kabuluhan at maikwento

Sinisipag kahit busy sa trabaho

Senyales na tumatanda na yata ako

Ang utang na load ay dapat bayaran

Dapat singilin dahil nakakalimutan

Baka mabaliktad pa at ika'y masabihan

May utang na loob ka diba kaya kwits lang. :D

Matanong Nga Kita

Ikaw ba'y marupok din ba?
Sa itsura natutuon ang mga mata
Mabilis humanga at agad napatunganga
Kitang-kita nga at bibig mo'y nakanganga

Halika't nang matanong nga kita
Ang kaanyuan ba ay higit na mahalaga
Pag panget ba'y nilalayuan mo na
Parang bola, di pa nga nakikilala

Ako Si Jethro

Ako si Jethro
30 years ng nandito
Malapit ng matapos ang kwento ko
At pagpahingahin ng mundo

Minsan iniisip nating may kulang
At ano nga ba ang purpose sa buhay
Tinatratong ginto ang achievements na maiiwan
Subalit pag nagamit ka, wala ka ng pakinabang

Di importante kung ika'y may pinag-aralan
Ang mga nakamit mo ay sa lupa lamang
Kung may nagawa kang nakapagpabago ng buhay
Yan ang isang bagay na di nila makakalimutan

Spongecola CODA

May bago na naman akong natuklasang kanta from Spongecola pero matagal na pala ito, 2016 pa pala.

Sobrang relate kasi ako ng mapakinggan ko sya kagabi habang naghahanap ng mga songs na ilalagay ko sa phone ko. Balak ko na kasing makinig ng mga bagong kanta habang nagbi-byahe papasok ng trabaho.

Nahook talaga ako dahil sa lyrics tapos very catchy pa ang melody.

Isang Daang Tula Para Kay Stella

Napanood ko na yung 100 (Isang Daang) Tula Para Kay Stella.

Sobrang nakarelate ako sa character ni JC Santos na si Fidel sa pelikula dahil sa mga sumusunod:

- lahat ng emosyon ko pagdating sa babae ay idinadaan ko sa tula. Yun ang dahilan kaya nung mapanood ko palang yung trailer, sinabi ko sa sarili ko pagshowing nito papanoorin ko talaga to.

- ikalawa, may speech defect ang bida sa pelikula which is di nalalayo sakin at aminado naman ako.

Maganda ang pelikula at nirerecommend ko ito para sa mga taong mahilig din magsulat at magbasa ng mga tula.

Ang Feelings Ay Di Mutual

Ang feelings pala natin ay hindi mutual
Mukhang di makahinga at ika'y nasasakal
Tila malabo na ang aking inaasam
Na ikaw at ako ay maikasal

Handang handa pa naman ako
Reding ready na rin ako
I-give up lahat para sayo
Para makamit ang matamis mong oo

Wala akong pakialam kung di ka pumasa sa standards ko
Basta alam ko, sayo natuon ang puso ko
Subalit anong isinukli mo
Wala pa yata sa halaga ng dyes o sentimo

Nagmahal, Nasaktan, Nagmove On

Isang araw ako ay nagmahal
Tapos biglang nasaktan
Kaya nauwi sa kapihan
At nagising sa katotohanan

Hindi ka pulis para sukuan ko
Subalit napilitan akong sumuko
Kaya tuloy naging preso
Nakulong sa maling pangako

Napasobra ata ang tapang ko
Maling tao ang naipaglaban ko
Di mo pala nakikita ang effort ko
Sarili mo lang ang iniligtas mo

Paano Ba Ang Maging Si Superman?

Pangarap ko dati ay ganito
Pangarap ko dati ay ganoon
Subalit nag-iba ang lahat ng yun
Simula ng mauntog ako sayo

Napakinggan mo na ba ang kanta ni Carol Banawa
Na bakit di na lang totohanin ang lahat
Mukang hindi pa at ika'y nagbiro lang
Napasaya mo ko ngunit panandalian lang

Ginagawa ko naman ang lahat
Pero parang hindi pa rin sapat
Iniisip ko may iba kang hinahanap
Di lang naman tanghali ang tapat

Naikintal Mo Sa Isip Ko

Masayang-masaya nung makilala kita
Ang puso'y kumakabog sa tuwa't sigla
Sa tuwing makikita ay hindi makahinga
Punung-puno ng buhay at pag-asa

Kukwentuhan ko kayo ng tungkol sa kanya
Para magkaideya kayo sa aming istorya
Malungkot ako, ang mahalaga'y nakilala
Nagmahal, nasaktan, nagising na mag-isa

Manggang hilaw na may bagoong
Paborito mong kainin at i-consume
Melona ice cream na mahirap hanapin
Na malapit sa pinapasukan mong building

At ang prinsesang cosplayer na si Alodia
Nakakahawig mo raw at nakakamukha
Oo nga no parang kapatid ka n'ya
Walang anu-ano'y finallow ko s'ya

Tingin Nyo Totoo?

Minsan naiisip ko na may katotohanan ito
Pagkatapos ng breakup ganito ang senaryo
Unang araw si lalaki ay walang pakialam
Si babae nama'y walang humpay sa pagluha

Ang Peg Mo

Gusto mo matangkad na payat
Gusto mo pinapatawa kang walang puknat
Subalit hindi ako ganun
Kaya di pumasa sa qualification

Halos magkaheight lang tayo
Sa tuwing magkikita't kinukumpara ko
Nagtitingkayad at straight body na ko
Sapatos na mataas at stripe na polo

Hu U Ako

Nais ko lamang na ito'y ikwento
Pakinggan muna ang emosyon ni Jethro
Dati palaging nasa bulsa ang cellphone ko
Ngayon di mawari kung san na si Oppo

Hanggang emoticons na lang talaga
Ang feelings ko para sa kanya
Mabilis magpapalit-palit ng itsura
Kahapo'y inspired, ngayo'y expired na

Nangyari Nga Ba Ang Kahapon?

Ako ba'y naging mahalaga sayo
Mukang pinaasa mo lang ako
Nung binalikan ka ng ex mo
Ako'y iniwan mong lito

Kahit pala wala ako ay kaya mo
Di rin pala ako kasama sa pangarap mo
Isa lang pala akong ekstrang tao
Na maliit ang ginampanan sa buhay mo

Nung Bata Tayo

Nung bata pag umiiyak tayo
Nakukuha natin ang mga gusto natin
Ngayon pag umiyak ka
Matutuyuan ka na lang ng luha

A Publisher to Self-Publish Your Book

I would like to promote my Publisher which is responsible for printing my 2 books.

If you have any questions with regards to producing and publishing your book, then refer to these 2 images I put on this blog post.

Natutuwa Ako Sa'yo

Iglesia ka
Katoliko ako
Di mahalaga
Kung anong relihiyon mo

Pagkat pag tinamaan na
Ni kupido
Balewala
Ang paniniwala ko

Munting Paalala

Paganda kayo ng paganda
Make-up lang naman ang nagdadala
Wag kung anu-anong ipahid sa mukha
Malalaman ang tunay na itsura

Dalawang Bagay

Mas kinikilig ka pag ang topic ay s'ya
Habang nagkkwento ka’t ako ang kasama
Masakit sakin yun dahil alam mo naman
Na ikaw ang laman ng puso’t isipan

First Time - Hugot Poem

First time kong kumanta sa isang babae sa telepono
First time kong panabikan ang uwian para makasama sya
First time kong kiligin tuwing kachat sya habang nasa opisina
Subalit ang mga first time kong yun ay panandalian lang pala

Di ko alam kung mararamdaman ko pa ulit ang mga ito
Sapagkat nasaktan ng husto nung piniling iwasan ako
Kaya kahit masakit sakin ay ginawa ko
Ang isang bagay na labag sa gusto ng puso ko