Iflix o Netflix: My Experience In Using Them

Parehas kong nagamit ang dalawang app na ito: ang iflix at netflix.

Tinry kong iinstall ang iflix at magbayad ng 64.50 pesos a month sa loob ng dalawang buwan. Qualified ako at na-avail ang super discounted nilang promo. Okay naman ang naging experience ko sa mga panahong subscriber nila ako. Naroroong nakakapanood ako ng iilang kdrama series, asian movies at piling-piling western series and films. Sa halagang 64.50 pesos kada buwan, sulit na sulit na lalo na't mahilig kang manood tuwing free time mo.

Makaraan ang dalawang buwan ay inihinto ko na ang iflix at masuwerteng nabiyayaan ng access sa netflix ng tita ko. May isa pa syang free slot out of 5 at ibinigay niya ito sa akin for free. Sa pagkakatanda ko ay nagbabayad sya ng 149 pesos a month, ang pinakamababang plan ng netflix kung saan sa cellphone ka lang pwede manood using the netflix app (take note, isang user lang ang pwede manood at hindi pwedeng sabay). Halos parehas naman sila ng inooffer na service subalit mas marami at more on western films/series ang content ni netflix. Dito ko napanood ang The Umbrella Academy, Through Night and Day at ang pinakabago at kasalukuyan kong pinapanood na The Last Dance kung saan bida ang Chicago Bulls at si Michael Jordan.

Wala na akong masasabi pang iba pero kung ikaw ang tipo ng tao na palapanood ay malamang nakainstall na rin sa iyo ang isa o dalawang ito sa smartphone mo. Ako naman ay bihira lang at nakakapanood lang tuwing free time ko. Masasabi kong iflix ka kung nagtitipid ka at mas prefer mo ang asian content at netflix naman kung bet mo ang western content. Muli walang panget o maganda sa dalawang ito, depende na lang sa preference at needs mo.

Tandaan, dapat may internet connection ka nang sa gayon ay magamit mo ang dalawang app na ito. Pag mabagal o pawala-wala ang net mo, mukang masasayang lang ang ibabayad mo. Online streaming kasi ang mga ito pero pwede namang for offline viewing at kailangan mo lang i-download sa app. Take note ang nada-download mo pala ay exclusive lang sa app at hindi pwedeng i-distribute at i-share sa iba kahit i-connect mo pa ang smartphone sa computer mo. That's how they strictly protect all their content from getting shared and stolen.

Anyway, tara nood na muna tayo!

The Umbrella Academy: Ang Aking Bagong Kinababaliwan

Hindi talaga ako palapanood ng western or kdrama series sa Iflix or Netflix pero pag may natipuhan ako ay talagang tatapusin ko hanggang dulo.

Habang nagsu-swipe down ako sa newsfeed ng Facebook ko ay biglang tumamban sa akin ang trailer ng The Umbrella Academy. Napukaw agad ang aking atensyon sapagkat kahit noon pa ay interesado na ako sa time travel. Favorite ko nga yung Back to the Future movie installments. At ang isa pang nakakatawa ay yung napanood ko palang trailer ng The Umbrella Academy ay for season 2 na pala kaya nung sinimulan ko ng panoorin sa Netflix ay sobrang dami ko palang kailangang tapusin. Sa awa ng Diyos, natapos ko parehas ang season 1 at 2 nito.

Ang isa pang nagkainteres ako ay ang pagkakaroon ng super powers ng mga bida rito. Naroroong may nakakapag-usap sa mga namatay na at pwede nyang hingan ng tulong, mayroong babanggit ng "I heard a rumour..." tapos gagawin na ang nais nyang ipagawa o mangyari,  may mala Incredible Hulk ang lakas, may magaling sa kutsilyo na parang isang ninja, meron din namang may kakayanan na kontrolin ang elemento ng hangin, naroroon ding may mala-octopus ang kapangyarihan subalit sa simula palang ng kwento ay maagang namatay, at ang pinakabida sa kanilang lahat, si Five, na may kakayahang manipulahin ang oras at mag time travel.

Anyway, kung naging interesado ka rin dahil sa kwento ko ay simulan mo na ring panoorin. Ako nga excited na sa season 3 at talagang di na mapakali.

Enjoy-in mo lang at wag masyadong seryoso sa buhay. Have a stress-free life.

Eto pala yung trailer na sinasabi kong nagpush sakin para panoorin ito:

Focus Na Ulit Ako Dito Sa Blogspot

Nagpasya na akong ihinto ang paid web hosting ko sa Hostgator sapagkat namamahalan na ako sa ibinabayad kong 7,500 pesos kada taon subalit wala namang bumabalik. Ang tinutukoy ko rito ay yung main blog ko na jethrosas.com.

Ang plano ko is i-retain yung domain na yun sapagkat pangalan ko iyon at gamitin na lang sa mga free web hosting na kagaya nitong sa blogger o blogspot. Iniisip ko kung gamitin ko iyon dito sa blog space ko na ito o gamitin na lang sa iba.

Anyway, nagpasya rin akong buhayin itong blog na ito at linisin ang mga dapat alisin. Ang goal ko na lang is to have an online space or portfolio na matatagpuan sa isang website or blog na lamang nang sa ganun ay madali kong maorganisa ang mga bagay-bagay. If it is free then take advantage of it and maximize what It offers.

Excited na uli akong magsulat at ire-layout ang blog ko na ito na sinimulan ko noong nasa college pa ako.

Welcome back to me.