Ang Unang Experience Ko Sa Pagdrive ng e-Bike

Grabe ang kaba ko nung nagsimula akong humawak ng e-Bike at minaneho ito. Di ko alam paano ba aabante o aatras, kailan pipindutin ang signal lights tuwing magpapaliko, bubusina pag mag overtake o nagpapaalala sa mga taong naglalakad na may paparating na sasakyan sa likuran nila, at gaano kasensitibo ng silinyador sa tuwing pipihitin ito. Dagdag pa natin ang mga kasabayan na sasakyan sa paligid mo at mga patakaran sa kalsada na dapat ay may nalalaman ka. Para bang napabili kami nito ng hindi pa handa ang aming sarili at isipan.

NWOW eBike

Pero nagdaan ang mga araw at buwan, maning-mani na sa akin ang pagda-drive ng e-Bike ng ate ko. Nawala na ang kaba at nadadaan lang pala sa pag-eensayo. Sabi nga nila, lakasan lang daw ng loob at totoo nga.

Pero kailangan pa rin ng ibayong pag-iingat at dapat palaging naka alerto sa paligid habang nagda-drive.

Enjoy kami sa naging desisyon namin na bumili nito. Mga minsan ang dina-drive ko na ay kotse na. At iyun ang next target namin. :)

I hope nalibang ka sa pagbabasa ng blogpost ko na ito. Hanggang sa susunod na post ko, kaibigan.

3 Kilalang Personalidad ang Nawalan Ako ng Gana

- Randell Tiongson

- Marvin Germo

- Vince Rapisura

Okay sana silang tatlo kaya lang simula nang nahaluan ng pulitika yung mga posts nila sa Facebook ay nawalan ako ng gana sa kanila. 

Kaya ko sila finollow dahil sa advocacy nilang makatulong sa mga kababayan nating makaahon. Iyon ay upang ipalaganap ang financial literacy. Mayroon pang ine-educate nila ang mga tao kung saan ba magandang mag-invest o magpasok ng pera.

Unang-una kung nasa field kayo sa mga ganyang industriya, dapat iwasan nyong magbigay ng komento about politics. Kasi iba-iba ang mga tao. Finollow nila kayo in the first place para matuto tungkol sa pera at mapalago ito. Hindi para diktahan at impluwensyan sila tungkol sa mga paniniwala nyo sa gobyerno. Pinasok nyo yan kaya dapat alam niyo kung hanggang saan lang kayo dapat at sa halip ay isulong niyo lang yung mga advocacy na pinapalaganap niyo.

Kaya bilib pa rin talaga ako kina Bo Sanchez, Chinkee Tan at Fitz Villafuerte. Itong tatlong kilalang personalidad na ito ang talagang dapat sinusundan kasi wala silang tanging hangad kung hindi ang mapalaganap ang financial literacy sa bansa at matulungan ang kanilang mga kababayan. Walang halong pamumulitika. Serbisyong advocacy lamang.

Don't Burn Bridges

Ika nga nila pag umalis o nagresign ka sa iyong trabaho, iwasang gumawa ng hindi magandang bagay o mag-iwan ng hindi magandang impresyon sa iyong kumpanya.

Kagaya nalang ng nangyari sa akin. Nakabalik ako matapos ang tatlong taon at muli nila akong tinanggap. Napakaliit ng mundo at hindi mo masasabi kung kailan uli kayo magdadaupang palad o magkukrus ng landas.

This is one way to get hired and employed in a company.