I-steam Ang Corn Pwede Pala

Namiss kong kumain ng mais sapagkat madalas namin makita ng wife ko ang mais sa tuwing naggo-grocery kami.

Gusto ko sanang kumuha at bumili kaya lang sa tuwing maiisip ko ang proseso ng pagluluto ay napapaurong ako.

Naka induction stove kasi kami. Since need magpakulo ng tubig para lang makapagluto ng mais ay naiisip ko na magastos at malakas kumunsumo iyon ng kuryente kaya ang ending eh wag na lang.

Then recently lang eh bumili kami at sabi ko sa sarili ko, okay lang once lang naman namin yun gagawin. One time, binanggit sa akin ng asawa ko na pwede raw i-steam ang corn at isabay sa sinaing namin. Di ako naniniwala na posible yun kasi never pa ko nakakita ng ganun dati. Naalala ko pag nagluluto kami dati (nung mga panahong single pa ko) ng mais ay pinapakuluan namin ito hanggang sa maluto. At kung minsan, may mga nakikita akong naglalako ng lutong mais sa kalsada kung saan (base sa obserbasyon ko) ay waring naka-submerged ang mga mais sa loob ng isang malaking stainless na lutuan habang iniluluto.

Subalit iba naman ang obserbasyon ng aking asawa. Sa pagkakaalam nya ay parang ini-steam daw ang mga iyun. Hanggang sa sinubukan nga nyang isabay habang nagsasaing sa rice cooker namin at i-steam (may kasama palang extra utensil ang rice cooker namin na pinapatong lang sa ibabaw; ilagay ang ilang piraso ng mais sa loob pagkatapos ay takpan).

At laking gulat ko na pwede pala! Naluto ang mga mais at halos walang pinagkaiba sa inuluto sa mainit at kumukulong tubig.

Bagong kaalaman at natutunan mula sa aking asawa. Bukod sa pwede na kami makakain ng mais ng walang kahirap-hirap, ay laking tipid din sa pagkunsumo ng kuryente sapagkat isinasabay lang namin sa pagsasaing ng kanin.

Kayo mga kaibigan, matagal nyo na rin bang alam to o ngayon lang after mabasa ang blog post ko na ito?