Gaano Kadalas Magbago Ang Isip Ng Tao?

Mabilis magbago ang isip ng tao. Mapa segundo o minuto man ay may mga bagong kaisipan na dumadating sa atin. Nawawala kaagad ang dating paniniwala. Kumbaga napapatungan ng karanasan ang dati at luma na. Mapa-interes man, paniniwala, at sa lahat ng bagay ay may puwang ang pagbabago sa isang tao. Walang hanggang 'satisfaction' o 'contentment' ang bawat isa sa atin. Kagaya na lang nitong kowts na ito ng cellphone.

"kala ko,
pag mahal mo sya
at mahal ka rin nya,
ok na..
di pa pala..
masakit pero..
pwedeng..
ngayon mahal ka nya,
pero bukas,
hindi na..
ganyan kabilis magbago ang isip ng tao.."


Walang kasiguraduhan sa mundong ito dahil lahat nagbabago.. nag-iiba.. Subalit lagi nating tatandaan na lahat ay may hangganan kaya kahit ano pa ang panibagong bagay na pumaloob sayo darating ang araw na babalik-balikan mo ang nagdaan. Nanghihinayang at nagbabakasakali na kung nanatili kaya sa dating buhay ano kaya ang kahihinatnan? Alaala na lang ng matatamis at masasakit na kahapon ang patuloy na sumasagi sa isip na kahit kelan ay hindi na pwedeng maibalik pa. Hindi pwedeng hindi tayo magkamali sa ating mga desisyon at mga napiling daan pagkat kung magkagayon hindi tayo matututo at hindi natin maiisip na mali o tama ang ating pinaggagawa. Ika nga "Experience is the best teacher". Ako makalimutan man kita o sa di sinasadyang nagbago ang pakikitungo ko sayo, lagi mong pakakatandaan na naging parte ka ng buhay ko na kahit kelan ay hindi makukuha o mananakaw sakin. Nagpapasalamat ako dahil kung ano ako ngayon ay dahil sa mga taong nakasalubong, nakasabay ko sa aking paglalakbay. Hindi pa tapos ang misyon ko sa mundo dahil madami pa kong dapat matutunan at malaman at malamang baka makalimutan din kita... (present acquaintances)


Free WEB Hosting!