Wohoo! Ang Galing ng Idol Ko Parang si Celine Dion

Lalo akong ginanahan nang marinig ko ang mga pangungusap na ito:

"Wohoo! Ang galing ng idol ko. Parang si Celine Dion..." ang nasambit ng isang babae habang paparaan ako sa karinderya sa Pamilihang Bayan ng Taguig (Lower Bicutan). Pag kasi narinig nating karinderya halos lahat sila ay mayroong telebisyon. Gusto ko sanang huminto sandali para mapanood din ang idolo ko subalit tinubuan na naman ako ng makahiya sa ulo. Yun, ang ending tuloy-tuloy ako sa paglalakad habang ang isip ay naiwan doon.

Pero hindi na yun importante ang mahalaga na naging sanhi ng paglitaw ng ngiti sa labi ay kahit pala sa labas ng tahanan ang mga kabataang masasabi kong lamang lang ako ng kaunti sa estado ng buhay ay nagkakapareho kami sa interes at gusto (ganun din naman ang mga matataas pero mababait na popsters na nakilala ko ng personal). Di maipagkakailang isa nga sa mga maimpluwensyang nilalang si Sarah Geronimo sa mga kabataang tulad ko. Susuportahan ko siya hanggang sa pagtanda ko.