PNR ng Bayan: Nakasakay Ka Na Ba?

Kung nakwento ko na sa inyo ang pagkakaiba ng MRT sa LRT, sa ngayon ay ating pag-uusapan ang PNR (Philippine National Railways).

Ang PNR ay ang tren na tumatakbo sa kahabaan ng Metro Manila (di ako sigurado kung nag-ooperate na sya hanggang sa ibang probinsya). Mura ang pamasahe dito kaya kung gusto mong makatipid at makaiwas sa trapik, eto ang solusyon para sa'yo. Dati rati ay open space, luma at maingay ang ating tren subalit nadagdagan ito ng makabago at moderno sa kasalukuyan. Yun bang istilong MRT/LRT na de-aircon.

Marami kang pwedeng maranasan sa pagsakay sa lumang tren. Maaari kang mabasa at matapunan ng ihi at tae ng mga iskwater na galing sa gilid ng riles (dati kasi halos isang dangkal ang agwat ng tren sa mga bahay nila - buti ngayon at wala na). At ngayon sa pagsakay sa makabagong tren, kahit pa malamig at presko ay mararanasan mong makipagsiksikan sa loob lalo na kung rush hour. Maaamoy mo ang pawis at hininga ng katabi mo at paalala: ingatan ang mga importanteng bagay sa bulsa o bag. Pero madalas siksikan talaga dahil na rin siguro sa pangmasa at murang pasahe.

Mabibilang ko lang sa daliri ko kung ilang beses na akong nakasakay sa PNR. Minsan masarap at masaya ding subukin ang mga bagong bagay. Subalit doon sa tama at wastong bagay o paraan lamang.

Ikaw nakasakay ka na ba sa tren natin?



Free WEB Hosting!