Paborito Kong Kainin Tuwing Uwian: Siomai With Yakult

Tuwing uwian (galing sa trabaho), paborito kong kainin ay siomai with yakult. Pero minsan eh gulaman ang pinapartner ko kahit tumaas na ng dos ang gulaman (mula 10 naging 12) at siomai (mula 25 naging 28) [ginawa yata talaga nilang ganun para eksaktong 40 ang babayaran mo at hindi 35 nang sa ganun wala ng putal/butal na 5 pesos].

Anyway, kahit natetempt akong palaging bumili nitong paborito kong kainin at inumin eh hangga't maaari nililimitahan ko ang sarili ko na gumastos ng gumastos. Ang halaga pala ng yakult eh 8 pesos. Mas maigi ito pagkat maganda ito sa kalusugan. Hindi ko maipaliwanag ang sayang nadarama pagkatapos kong makakain nitong mga paborito kong kainin at inumin.

Dati siomai lang na tag 2.50 ang binibili ko at want-o sawa ko sa paglapa. Subalit nang mapanood ko sa tv ang isang balita, tungkol sa kung saan at paano ginagawa ang mga siomai na nilalako sa tabi-tabi, eh nawalan na ako ng amor o ganang suportahan ang business ni manong. Naroroon pa ngang nagiging galante ako sa mga kaibigan at ate ko, mailibre ko lamang sila. Hehe!

Sige hanggang dito na lang muna mga dre. Hindi ko alam kung may sense ba itong sinulat ko sa inyo. Pero, para di naman sayang ang oras nyo sa pagbabasa nito, tanungin kita: anong paborito mong kainin at inumin tuwing lumalabas ka? =D


Free WEB Hosting!