Akala mo'y sya ang lalaking para sayo
Tinalikuran ka nya't nasisi ka pa
Rason ay baluktot at walang kwenta
Isipin mo nga ang sakripisyong binigay mo
Naging tapat ka at minahal mo ng totoo
Ang tanong anong isinukli sayo
Ang ningas ng pag-ibig ay nauwi sa abo
Nasaan na ba ang ipinangakong kaligayahan
Ni anino nya'y di mo masilayan
Malamang hangin lang syang dumaan
At kailanman ay di mo na mararamdaman
Careful baby ang madalas nyang bukambibig
Ang sarap pakinggan ng kanyang tinig
Love is in the air nga ba talaga
Ika'y pinaasa at iniwang nag-iisa
Ngayo'y gumising pagkat wala na kayo
Tanggap ng isip ngunit ewan sa puso mo
Ang istorya mo ba'y matatapos dito
Larawan pa rin nya ang iyong isinasaulo..
Ang tulang ito ay naisulat ko noong Pebrero nung isang taon (2016). Iniaalay ko ito sa isang babae na sobrang naging espesyal sa puso ko. Kung nasan man sya ngayon, naniniwala ako na tama ang naging desisyon nating dalawa.
May mga binago pala ako sa tula kaya di sya kaparehas ng original na kopya. Happy blogging guys!
Free WEB Hosting!
No comments:
Post a Comment
Hello!
Thank you for taking the time to read my blog post. I would love to hear your thoughts, comments, or suggestions. Feel free to share your message below or above. Thanks again!