Ang bilis matapos ng ating kwento
Tatlong buwan lang nakasama
Ngayo'y tapos at wala na
Akala ko talaga ay ikaw na
Ang makakatuluyan at makakasama
Napakasaya at puno ng pag-asa
Subalit isa ka lang palang pantasya
Di ko alam kung ako ang may kasalanan
Ng ating saglit na pagsasamahan
Di rin naman kasi kita masisisi
Ako lang marahil ay makasarili
Siguro nga totoo ang sabi nila
Na wag pumorma sa kahihiwalay lang
Dahil malaki ang tsansa
Na ika'y masasaktan lamang
Wala akong pinagsisisihan
Kahit lumipas na ang anim na buwan
Kasi kahit papaano'y hinayaan mo ko
Na makilala ang isang tulad mo
Kung nasan ka man ngayon
Pinapanalangin ko na ika'y sumaya
Kahit di ko man natupad ang pangarap ko
Ang mahalaga'y natupad ang sa iyo
Mag-iingat ka sana palagi
Ayokong isipin mong ikaw ang may mali
Marahil ang laan sa akin, ay sa akin
At ang laan sa iyo, ay sa iyo..
Paalam na, K.A.M...
Free WEB Hosting!
No comments:
Post a Comment
Hi and hello!
I'm glad you take time to read my blog post. If you have something to say, you are free to leave your message, comment, or suggestion below. Thank you.