Alam Kong Nandyan Ka Lang Kahit Di Ko Ramdam

Maraming araw ang dumaan ng hindi kita naramdaman
Nawala ang iyong kinang na dati'y tanaw na tanaw
Ni hindi kita nakikita subalit alam kong nandyan ka lang
Tahimik na gumagalaw sa mundong kinalalagyan

Gusto kong magpahayag ng damdamin sa'yo
Subalit natatakot ako sa kahihinatnan nito
Baka kasi may iba ng laman ang puso't isipan mo
Suntok sa buwan na lang sa tuwing iibig ako

Ang taas naman kasi ng pamantayan ko
Mataas pa sa ulap na nakikita mo
Kung nais subukan ay pipila ka sa dulo
Di pa sigurado kung makakapasa o aabot sa'yo

Pinipigilan ng isip ang gusto ng puso ko
Nakikini-kinita na at naninigurado
Kelan ba ako magkakalakas ng loob na labanan ito
Matagal na akong naghahanap ng makakatapat ko..



Free WEB Hosting!