Ang mga solusyong mababasa mo sa ibaba ay hindi lang applicable sa Bagumbayan, Taguig kung saan ako lumaki. Pwede rin i-apply at i-adapt sa ibang lugar sa Pilipinas. Pwedeng baguhin lang ng kaunti at i-adjust.
----------------------------
1. Solusyon sa Traffic?
- Lagyan ng Jeepney stop para doon lang allowed magbaba at magsakay ng mga pasahero. Gayahin ang sistema sa Hong Kong. Para matuto naman ang mga tao na maglakad at mag-exercise.
- Kung maaari ay bawasan ang mga pribadong sasakyan na bumibiyahe (dito pumapasok ang coding o number coding). Pag walang garahe ay huwag hayaang makabili ng sasakyan pero kung sakaling nakabili na at walang garahe ay dapat ay maghanap sila ng pwedeng pag-parking-an ng kanilang sasakyan at di maaring sa harapan ng kanilang bahay. Sapagkat kung hahayaan ng ganun ay makakadagdag ito sa pagsikip ng kalsada at magdudulot ng pagsikip ng daloy ng traffic. Ang mga lumang jeep ay palitan ng mas mahabang jeep o e-jeep. Ang mga tricycle, motor, bike at e-bike ay dapat lagyan ng sariling lane (sa gilid ng kalsada).
2. Solusyon sa Crossing?
(Bicutan to C6)
(near SM Bicutan)
- Ang mga traffic enforcer ay dapat palitan na ng traffic lights. Ang traffic lights na ito ay dapat naka-sistema. Ang reason ay para patas at walang kinikilingan kung kelan ba dapat papasulungin ang isang linya ng sasakyan. Para di na rin maghintay ng sobrang tagal ng mga pasahero bago bumaba sa tamang babaan at sumakay sa tamang sakayan. Napapansin ko kasi parang inaabot ng 10 to 20 minutes bago pasulungin ang mga sasakyan pag galing North papuntang South (Magallanes to Sucat).
3. Solusyon sa Tulay na Palaging may Basura?
- Ang mga taong mahuhuling magtatapon sa kalsada basta-basta ay dapat magmulta (either may CCTV o kaya yung makakita ay pwedeng magsumbong at bibigyang pabuya basta may ebidensya). Kapag sa loob ng sasakyan o bus nanggaling ang basura ay huhulihin at pipigilan yung bus mismo ng alagad ng batas at pagmumultahin. Dapat lang maging disiplinado ang mga tao.
- Yung mga malalapit sa tulay, dapat may CCTV.
1. Kapag may basura, may pananagutan ang mga bahay na nakatira sa palibot nito.
2. Ang mahuhuling nagtatapon ang dapat magmulta.
3. Ang mga makakapagturo ay papabuyaan basta may patunay.
No comments:
Post a Comment
Hello!
Thanks so much for taking the time to read my blog post! I’d love to hear your thoughts, feedback, or any suggestions you might have—feel free to share them in the comments. Looking forward to hearing from you!